Húnabraut - 540 Blönduós
Húnabraut - 540 Blönduós
Staðsetning: 540 Blönduós
Hæðir í eign: 0
Herbergi: 4
Stærð: 131 m2
Svefnherbergi: 3
Búsetuform: Hæð
Baðherbergi: 1
Stofur: 1
Byggingarár: 1961
Þvottahús:
Inngangur: Sér
Brunabótamat: 34.350.000
Uppsett verð: 12.500.000

Fyrri mynd | Aftur á myndalista | Næsta mynd

Fasteignasalan Domus á Blönduósi hefur fengið í einkasölu efri sérhæð á Húnabraut 22, Blönduósi. Húsið er byggt úr steinsteypu árið 1961. Eignin er skráð 131 fermetrar.
Gengið er inn um sérinngang á jarðhæð og upp myndarlegan stiga upp á stigapall með fatahengi. Þaðan er gengið inn á gang með aðgengi að öðrum rýmum og auk þess er innangengt af stigapallinum inn í þvottahús.
Úr stofu er gengið út á inndregnar og skjólgóðar svalir með góðu útsýni. Léttur veggur skilur að stofu og borðstofu, sem er nýtt sem svefnherbergi, en mögulegt er að fjarlægja þann vegg og stækka þannig stofuna umtalsvert. Parket er á stiga, stigapalli, gangi, stofu og svefnherbergi við stofu.
Innst á gangi er svefnherbergi á vinstri hönd, gegnt því á hægri hönd er rúmgott hjónaherbergi. Þessi tvö herbergi eru með upprunalegum innbyggðum fataskápum og dúk á gólfi.
Fyrir enda gangsins er baðherbergi með baðkeri, dúk á gólfi og flísar á veggjum.
Í eldhúsi er upprunaleg innrétting með borðkrók, dúkur á gólfi. Inn af eldhúsinu er þvottahús og inn af því er geymsla með hillum. 
Rakaskemmdir eru sýnilegar í við útvegg í efri skáp í hornherbergi og sömuleiðis í einum skáp í eldhúsi, en eigandi hefur ekki orðið var við leka eða raka.

Eignin þarfnast viðhalds og endurnýjunar utan sem innan. Hitalagnir hafa þó verið endurnýjaðar á einhverjum tímapunkti en ofnar þarfnast endurnýjunar og eru sumir ónýtir.

ATH. Lækkað verð, góð kaup.

Upplýsingar veita Stefán Haraldsson s 440 6030 eða 894 1669 stefan@domus.is  eða Stefán Ólafsson hrl. löggiltur fasteignasali s 440 7972 stefano@domus.is